رجل مؤنث سالم

ملهمش ذنب، المفروض تحمد ربنا انك اتولد في عصر تقدر تعرف فيه الصح من الغلط، زمان الناس مكنش عندها سوشيال ميديا ولا تكنولوجيا، فكان ليهم نمط، حتى تحس ان المجتمع كله عجينة واحدة بالبلدي، يعني انا والدي كان بيحكيلي إن البيوت كلها كانت بتطفي التلفزيون وقت معين، ويشوفوا ام كلثوم في وقت معين، والعمل كان له وقت معين، والتعليم كان واحد، والمصدر اللي بيتلقوا منه الأخبار كان واحد... الخ.

فانت وضعك غير وضعهم ودي نعم المفروض تشكر ربنا عليها، وتشكر ربنا على انك عرفتها، لان في لسة مغيبيين كتير.

ومدام لسة عايش فابدأ حلل المشاكل بتاعتك واتعلم الرجولة وفي بوستات وفيديوهات وكتب عنها، خدها من السلف، واتعلم مهارة بحيث كمان 5 سنين تكون مصدر رزق ليك، واتزوج وخد الاحتياطات اللي ذكرناها، لو تسافر سواء لوحدك أو مع اللي اخترتها بلد عربي قوانينه أقرب للشريعة الإسلامية وأبعد للنسـ. ـوية؛ متتأخرش.

والدنيا مش سوداوية جنب الآخرة عموما، لاتساوي شيء، وهتبقى كام يوم لما تفتكرها في حياتك التانية وقت الحساب، وأشقى الناس في الدنيا لما يدخل الجنة له مثل الأرض 7 أضعاف على ما أعتقد وحور عين.

فركز على العلم الشرعي، والعقيدة أهم العلوم ومنها هتتعلم الرجولة والمروءة، وسيبك من الصفحات حاليا والمتابعة.

ضخامة المادة بينتج منها فقدان الأمل والاحباط، فركز في انك تعيش بمركزية الأخرة، هتحس براحة والمؤثرات الخارجية دي اللي بتشتكي منها مش هتأثر فيك، وأهلك برهم هم ملهمش ذنب، واتعلم من الأخطاء دي عشان ولادك، معاك المعلومات بقت متوفرة ومش محتاج غير نت وكمبيوتر او فون وحبة جدية، واطلب كل دا من ربنا لان العزم منه، والبداية انك تخلص لله، وتشيل كل حاجة واي حاجة، وتتعامل معاه بس، "الله ثم النفس والآخرون" دي كلمة السر.

وردينا بشكل مختصر في البوست وتعليقاته مهمة:https://www.facebook.com/112702657148180/posts/440124747739301/?app=fbl