بداية مقترحة للعلم الشرعي

وعليكم السلام ورحمة الله

اها فايتك كتير وأولهم مالايسع المُسلم جهله، بس تقدر تعوض وتسبقني أنا بدأت متأخر عنك ولسة موصلتش اني اقول اني طالب علم بينما لو انت قعدت 5 سنين جد كل يوم ساعتين أو ساعة ونص، بإذن الله تكون طالب علم وتحفظ كتاب الله وتحفظ متن في الفقه وتعرف أكتر في العلوم الأخرى زي الحديث والعقيدة...الخ.

طب تشترك في ايه أرشحهولك؟

1- أكاديمية البناء المنهجي للشيخ أحمد السيد

2- أكاديمية زاد

3-صناعة المُحاور

دول ال3 حاجات اللي برشحهم ليك، البناء والمحاور لسة شوية كام شهر ويفتحوا، وزاد بتفتح مرتين في السنة لسة قافلين التسجيل للأسف، بس عقبال ما يفتح التسجيل في التلاتة دول ممكن تشوف البوست المثبت 

على صفحة The Hunters وهتغرق في المعلومات وتابع منهم الشيخ أحمد السيد والدكتور إياد قنيبي، والدكتور سامي العمري، وبشمهندس عبدالله العجيري وهتلاقي أكتر من كدا عقبال ما التسجيل يفتح.

مصدر موثوق تسأل فيه أو تدور على فتوى:

على اليوتيوب:

- الشيخ عثمان الخميس، والشيخ الطريفي، والشيخ ابن عثيمين، والشيخ الحويني، محمد صالح المنجد.

على النت:

- موقع إسلام سؤال وجواب

-إسلام ويب

- ممكن طريق الإسلام وفيه كتب كتيرة ومحاضرات كتيرة

ممكن تبدأ في التزكية وأسلوب بسيط:

مع الشيخ سمير مصطفى، وشوف سلسلة وعي المسلم المعاصر لبشمهندس أيمن عبد الرحيم

وكل حاجة لبشمهندس أيمن لو تقدر ومعاك وقت كافي لحد ما التسجيل يفتح هتكون كونت صورة عن الواقع وجاهز لتلقي طلب العلم بإذن الله، ولو ظروفك مش مساعداك اتعلم مالايسع المسلم جهـ.ـله فقط مش لازم تبقى فقيه أو عالم عشان تعرف تفرّق بين الحق والباطــل.